تغدى وتمدى.. مطعم أردني يوفر لزبائنه مكانا للقيلولة بعد تناول المنسف الدسم “شاهد”
يوفر مطعم أردني في عمان لزبائنه مكانا للراحة بعد تناول المنسف. وتحت شعار “تغدى واتمدى”، يوفر مطعم مناسف مؤاب أسرة للزبائن لأخذ قيلولة بعد تناول “وجبة دسمة” من المنسف.
وقال محمد العقدة أحد زبائن المطعم “المنسف بطبيعته أكلة دسمة جدا جدا بالأردن. ولازم الإنسان بعد ما ياكل المنسف يعمل قيلولة أو ينام ليش؟ لأنه المنسف بيعمل رجه بالمخ لازم الواحد بينسطل لازم ينام إذا منمش في مشكلة بالمنسف”.
وذكر عمر مبيضين أحد مؤسسي المطعم أن الفكرة بدأت من مزحة لكن الزبائن. رحبت بها لأن مكونات المنسف دسمة على الجسم.
وأضاف “هي الفكرة كانت عبارة عن مزحة كونه المنسف بنستخدم فيه لبن الجميد والسمن البلدي واللحم البلدي. فهاي مواد دسمة، فلما يكون أغلب الشعب بيحب المنسف. وبعديه ياخد قيلولة كونه كله من مواد دسمة وهو عبارة عن أكلة تقيلة على الجسم”.
وقال عبد الله أحد زبائن المطعم إن الراحة بعد تناول المنسف. أمر لا بد منه خاصة لأشخاص مثله يضطرون إلى القيادة لمسافات طويلة بعد ذلك.
وأردف قائلا “هي تجربة حلوة ومرتبة خصوصا إذا كان الواحد جاي من مكان بعيد أنا جاي من الغور الشونة الجنوبية، فلو أكلت منسف وكنت نعسان من الأصل ونعست بزيادة فمشوار الطريق قاعد بتحكي بخمسين أو بستين كيلو لا ريحلك ساعة زمن وبعدين كمل بالنسبة إلي”.
كما قال محمد التعمري، وهو زبون آخر “أنا مش أول مرة باجي هون، هاي الفكرة جديدة والله أحيانا في ناس بتفصل زي حالتي، أنا بفصل بعد المنسف، بس إللي بيتقبل الفكرة ممكن إنه يريح عادي، ممتازة الفكرة”.
والمنسف مكون من لحم الضأن أو الماعز المطبوخ في اللبن الرائب ويقدم مع الأرز، ويُعتبر إلى حد كبير أكلة شعبية في الأردن، وأدرجته منظمة الأمم المتحدة للتربية والعلم والثقافة (يونسكو) في قائمة التراث الثقافي غير المادي.
ميدل بوست – فريق التحرير
