طاهي لبناني بعمر عامين يبهر متابعيه على التواصل الاجتماعي

يتمتع الطفل ليام حداد، البالغ من العمر عامين والمعروف لدى متابعيه على وسائل التواصل الاجتماعي باسم الشيف بوبو، بالطهي كثيرا. حسبما قالت والدته سيبال حداد لوكالة رويترز من منزلهما في جبل لبنان.

يظهر كل من ليام وسيبال معا وهما يعدان الوصفات في مقاطع فيديو على حساباتهما على وسائل التواصل الاجتماعي. باسم “ماما دي بوبو” لآلاف المتابعين على إنستغرام وأكثر من مليون متابع على تطبيق تيك توك.

قالت سيبال إنها دائما ما كانت تعتبر الطبخ شكلا من أشكال العلاج. وعندما كان عمر ليام مجرد بضعة أشهر. وإنها دشنت صفحتها الخاصة المتعلقة بالطعام والوصفات على وسائل التواصل الاجتماعي لكن مع انشغالها توقفت.

وأضافت “بالنسبة لي الطبخ هو علاج فبمجرد إنه أنا أفوت أطبخ وبلش أتحرك بالمطبخ، هيدا الشيء بالنسبة لي بيريحني كتير”.

وتابعت سيبال “لما اكتشفت إنه ليام كتير بيحب يطبخ وصار عنده هذا النشاط مبسوط فيها أكتر. قررت إنه أرجع على التصوير ونرجع نصور مع بعضنا هذه المرة. لحتى الناس كمان تتعرف عليه وكمان نشارك يومياتنا المضحكة بالمطبخ”.

يقوم الثنائي أحيانا بإعادة تقديم وصفات شهيرة للأطعمة والمشروبات وتقييمها، كما يقدمان وصفاتهما سهلة الإعداد في أحيان أخرى.

وعن اختيار اسم حساباتهما قالت سيبال “قررنا إنه نعمل اسم هيك مهضوم. قريب أكتر من “شرطة الوصفات” فقررنا إنه نغير الاسم ونعمله “ماما دي بوبو” اللي هو البوبو البوليس. كان قصدنا بوليس تبع الأكل، إنه نحنا نعمل تقييم على الأكل، كيف فيه شرطة للموضة، نحنا شرطة للوصفات. وصار اسم الشهرة لليام إنه أنا الأم وهو البوبو، فصار الشيف بوبو وهيك صارت هل قد ما كنا مفكرين فيها”.

وصفات شهيرة للأطعمة والمشروبات

وأشارت الأم البالغة من العمر 32 عاما إلى أنها لم تتوقع أبدا أن يؤدي تصوير مقاطع الفيديو. التي كان الهدف منها هو “جمع الذكريات” إلى جعل ابنها الأكبر ليام ذائع الصيت.

وقالت “أنا ما توقعت بهل القد بسرعة ليام يصير مشهور، للصراحة، ولا كنت مفكرة فيها يعني إنه ممكن إنه هيك المحتوى يلي كنا عم نعمله بس لنجمع ذكريات يصير هل القد ينتشر لملايين الناس بالعالم”.

وأضافت “حطيت الكاميرا وبلش يحكي على الكاميرا. تفاجأت، لأنه ما توقعت إنه يكون هيك هل القد على الكاميرا مهضوم وقريب، إنه طفل أكيد، كل الأطفال محبوبون. بس يوقف ويحكي ويفسر كيف الوصفة بتنعمل هذه كمان مهارة موجودة عنده مش كل الناس عندها إياها. وهذه اللي خلته كمان ينجح هل القد المحتوى تبعنا”.

وحصلت مقاطع فيديو “ماما دي بوبو” على تيك توك على أكثر من عشرة ملايين إعجاب.

وتابعت “أما بتخبص بالمطبخ يصير أنا بدي جرب الأكل لحتى تظبط الوصفة ونذوق. هذه من أحلى المواقف، في ناس بتستغرب، إنه أنا عن جد هذه المواقف بيضحكوني غير ييي خبصت الدنيا ولا وكيف. لأ أنا بالنسبة لي إنه هذا اللي بيرسم الطفولة”.

المصدر: وكالة رويترز

فريق التحرير