مذيعة مصرية تهرب ليلة زفافها ما هي الأسباب؟!

تداولت مواقع التواصل الاجتماعي خبرا يفيد بهروب المذيعة المصرية سما أحمد ليلة زفافها الأمر الذي نفته المذيعة الشابة.

وقالت سما في ببرنامج “حضرة المواطن” على قناة الحدث اليوم: والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم وأضافت سما قالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة.

وأشارت سما إلى أنها لا تعرف خطيبها جيدًا، وعرضت على والدتها أن تتيح لها الفرصة من خلال فترة للخطوبة للتعرف على شريك حياتها لكن والدتها رفضت وطلبت أن تتزوج مباشرة.

وأكملت قولها: في 10 أيام بس اتفقوا هنكتب الكتاب ونجيب الفستان. ولقيت نفسي بتجوز وأنا ماتكلمتش معاه ساعتين على بعض.. أنا مش عايزة أزعلها وأضايقها فقلت حاضر هضغط على نفسي عشان أشوف الفرحة في عينها لأنها مريضة والحالة بتهدور.

أشعر أنني مخطوفة

وذكرت المذيعة الشابة: “شعرت أنني مخطوفة من بني آدم أول مرة يقعد جنبي، وأول مرة هيسمك إيدي والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة.

وأوضحت سما كواليس ما حدث: سبحان الله المأذون اتأخر، ولما المأذون جه، وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل.

واختتمت سما: “أخدت فستاني ومشيت ومش قادرة أواجه حد. الدنيا اتقلبت وقالوا هربت بس أنا مهربتش ولا عملت دا عشان أركب التريند، مش هركب التريند على حساب نفسي”.